ۋكراينا پرەزيدەنتىنىڭ 25 ساۋىردەگى جارلىعىمەن قازاقستاندىق ەرىكتى جاسۇلان دۇيسەمبين ءۇشىنشى دارەجەلى «ەرلىگى ءۇشىن» وردەنىمەن ماراپاتتالدى. بۇل تۋرالى ارمان شوراەۆ فەيسبۋك پاراقشاسىنا جاريالادى، دەپ حابارلايدى “ادىرنا” ۇلتتىق پورتالى.
جاسۇلان - 30 جاستا، قوستاناي وبلىسىنىڭ تۋماسى. ول رەسەي اسكەرى باسىپ كىرگەلى بەرى دونەتسك وبلىسىنداعى ۋكراينا قارۋلى كۇشتەرىنىڭ قاتارىندا، ازوۆ پولكىنىڭ قۇرامىندا سوعىسۋدا.
ايتا كەتەلىك، ماۋسىم ايىنىڭ باسىندا نۇر-سۇلتان قالالىق ۇقك دەپارتامەنتى ۋكراينادا سوعىسىپ جاتقان قازاقستاندىققا قارسى سوتقا دەيىنگى تەرگەۋ امالدارىن باستاعان بولاتىن.
ۇقك قازاقستاندىقتىڭ اتى-ءجونىن جانە قاي تاراپتا سوعىسىپ جاتقانىن جاريالاعان جوق. الايدا، قازىرگى تاڭدا ەسىمى ەلگە بەلگىلى جالعىز قازاقستاندىق ەرىكتىنىڭ جاسۇلان دۇيسەمبين ەكەنى انىقتالدى.
“ادىرنا” ۇلتتىق پورتالى
