Reseımen soǵysta Zelenskıı qazaqstandyq jaýyngerdi erligi úshin marapattady

2226

Ýkraına Prezıdentiniń 25 sáýirdegi jarlyǵymen qazaqstandyq erikti Jasulan Dúısembın úshinshi dárejeli «Erligi úshin» ordenimen marapattaldy. Bul týraly Arman Shoraev feısbýk paraqshasyna jarııalady, dep habarlaıdy “Adyrna” ulttyq portaly. 

Jasulan - 30 jasta, Qostanaı oblysynyń týmasy. Ol Reseı áskeri basyp kirgeli beri Donek oblysyndaǵy Ýkraına Qarýly kúshteriniń qatarynda, Azov polkiniń quramynda soǵysýda.

Aıta ketelik, maýsym aıynyń basynda Nur-Sultan qalalyq UQK departamenti Ýkraınada soǵysyp jatqan qazaqstandyqqa qarsy sotqa deıingi tergeý amaldaryn bastaǵan bolatyn.

UQK qazaqstandyqtyń aty-jónin jáne qaı tarapta soǵysyp jatqanyn jarııalaǵan joq. Alaıda, qazirgi tańda esimi elge belgili jalǵyz qazaqstandyq eriktiniń Jasulan Dúısembın ekeni anyqtaldy.

“Adyrna” ulttyq portaly 

Pikirler
Uqsas jańalyqtar