اقش پرەزيدەنتى فۋتبولدان 2026 جىلدىڭ الەم چەمپيوناتى كەزىندە اقش قۇراماسىنىڭ شابۋىلشىسى فولارين بالوگۋنعا بەرىلگەن قىزىل قاعازدىڭ كۇشىن جويۋ ماسەلەسىنە قاتىستى العاش رەت پىكىر ءبىلدىردى، دەپ حابارلايدى "ادىرنا" ءتىلشىسى.
ترامپ بۇل تۋرالى فيفا پرەزيدەنتى دجانني ينفانتينومەن بىرگە وتكەن ءباسپاسوز ءماسليحاتىندا ايتتى. بۇعان دەيىن فيفا-نىڭ تارتىپتىك كوميتەتى بالوگۋنعا كورسەتىلگەن قىزىل قاعازدىڭ كۇشىن جويۋ تۋرالى شەشىم قابىلداعان بولاتىن.
بۇعان دەيىن بىرقاتار بۇقارالىق اقپارات قۇرالدارى ترامپتىڭ ينفانتينوعا جەكە حابارلاسىپ، تارتىپتىك شەشىمدى قايتا قاراۋدى سۇراعانىن حابارلاعان. بۇل اقپارات فۋتبول قاۋىمداستىعىندا كەڭىنەن تالقىلاندى.
«الەم چەمپيوناتىنداعى ەڭ ەستە قالعان ساتتەردىڭ ءبىرى – بالوگۋنعا قىزىل قاعاز كورسەتىلگەن كەز بولدى. مەن دجاننيگە حابارلاسىپ، ءوز پىكىرىمدى عانا ءبىلدىردىم. ونى مىندەتتى تۇردە الاڭعا قايتارۋدى تالاپ ەتكەن جوقپىن. تەك ءوز ءۋاجىمدى ايتتىم. سوڭىندا ءبارى جاقسى اياقتالدى. سەن تاعى دا دۇرىس شەشىم قابىلدادىڭ»، – دەدى دونالد ترامپ.
سونىمەن قاتار اقش پرەزيدەنتى انگليا قۇراماسىنىڭ باس باپكەرى توماس تۋحەلدىڭ ارگەنتيناعا قارسى جارتىلاي فينالداعى تاكتيكاسىنا دا باعا بەردى. ونىڭ پىكىرىنشە، شابۋىلشى گارري كەيندى قورعانىس شەبىنە جاقىن ويناتۋ ءتيىمدى شەشىم بولماعان.
