قازاقستاندا ەلەكتروساموكات جۇرگىزۋشىلەرىنىڭ قاتىسۋىمەن وتكەن جىلى 38 جول اپاتى تىركەلگەن، دەپ حابارلايدى "ادىرنا" ءتىلشىسى.
بۇل 2024 جىلمەن سالىستىرعاندا ەكى ەسەدەن كوپ. ول كەزدە جول اپاتى بويىنشا 17 وقيعا بولعان. مانەۆر جاساۋ ەرەجەسىن بۇزۋ ەلەكتروساموكات جۇرگىزۋشىلەرىنىڭ كىناسىنەن بولعان بارلىق جول اپاتىنىڭ 27,3%-ىن قۇرادى. 2026 جىلدىڭ العاشقى جارتىجىلدىعىندا دۇرىس مانەۆر جاساماۋدان 14 جول-كولىك وقيعاسى تىركەلدى. وتكەن جىلدىڭ وسى كەزەڭىندە مۇنداي 12 اپات بولعان. جول اپاتتارىنىڭ ەكىنشى ەڭ ءجيى كەزدەسەتىن سەبەبى – جاياۋ جۇرگىنشىلەر مەن باسقا جول قوزعالىسىنا قاتىسۋشىلارعا جول بەرمەۋ. 2025 جىلى وسى سەبەپپەن 22 جول اپاتى بولىپ، كورسەتكىش ءبىر جىلدا شامامەن ءۇش ەسەگە ارتقان.
سونداي-اق ءجيى كەزدەسەتىن زاڭبۇزۋشىلىقتار قاتارىندا جول بەلگىلەرى مەن جول تاڭبالارىنىڭ تالاپتارىن ساقتاماۋ – 15 جول اپاتى، جىلدامدىقتى اسىرۋ – 14 جول اپاتى بار.
