الماتى وبلىسىندا جول-كولىك وقيعاسىنا قاتىسقان پوليتسيا پولكوۆنيگى ءوز ەركىمەن قىزمەتىنەن كەتتى، دەپ حابارلايدى "ادىرنا" ءتىلشىسى.
بۇل تۋرالى جۋرناليست ميحايل كوزاچكوۆ حابارلادى.
جۋرناليست مالىمەتىنە سايكەس، شامامەن ءبىر اپتا بۇرىن الماتى وبلىسى پوليتسيا دەپارتامەنتىنىڭ جەدەل ەسەپكە الۋ ورتالىعىنىڭ باستىعى، پوليتسيا پولكوۆنيگى بەرىك نۇرعاليەۆ جول-كولىك وقيعاسىنا سەبەپكەر بولعان. اپات سالدارىنان باسقا اۆتوكولىكتەگى ادامدار ءتۇرلى جاراقات العان.
ءجۋرناليستىڭ حابارلاۋىنشا، بەرىك نۇرعاليەۆپەن بايلانىسقا شىققان كەزدە ول زارداپ شەككەن جۇرگىزۋشىمەن ماسەلەنى رەتتەگەنىن جانە وسىدان كەيىن ىشكى ىستەر ورگاندارىنداعى قىزمەتىنەن ءوز ەركىمەن كەتكەنىن ايتقان.
قازىر اتالعان وقيعا بويىنشا قىلمىستىق ءىستىڭ سوتقا جەتەتىنى نەمەسە راقىمشىلىققا بايلانىستى توقتاتىلاتىنى ازىرگە بەلگىسىز.
