Almaty oblysynda jol-kölık oqiǧasyna qatysqan polisiia polkovnigı öz erkımen qyzmetınen kettı, dep habarlaidy "Adyrna" tılşısı.
Būl turaly jurnalist Mihail Kozachkov habarlady.
Jurnalist mälımetıne säikes, şamamen bır apta būryn Almaty oblysy polisiia departamentınıŋ jedel esepke alu ortalyǧynyŋ bastyǧy, polisiia polkovnigı Berık Nūrǧaliev jol-kölık oqiǧasyna sebepker bolǧan. Apat saldarynan basqa avtokölıktegı adamdar türlı jaraqat alǧan.
Jurnalistıŋ habarlauynşa, Berık Nūrǧalievpen bailanysqa şyqqan kezde ol zardap şekken jürgızuşımen mäselenı rettegenın jäne osydan keiın ışkı ıster organdaryndaǧy qyzmetınen öz erkımen ketkenın aitqan.
Qazır atalǧan oqiǧa boiynşa qylmystyq ıstıŋ sotqa jetetını nemese raqymşylyqqa bailanysty toqtatylatyny äzırge belgısız.
