يۋنەسكو قازاقستاندىقتاردى ۇلتتىق دومبىرا كۇنىمەن قۇتتىقتادى، دەپ حابارلايدى «ادىرنا» ءتىلشىسى.
ۇيىم وكىلدەرى قازاقستانداعى دومبىراعا دەگەن ەرەكشە قۇرمەتتى جوعارى باعالايتىنىن جانە مادەني مۇرانىڭ وسى بىرەگەي ءتۇرىن ساقتاپ، ونى كەلەر ۇرپاققا جەتكىزۋ باعىتىنداعى ەلدىڭ جۇمىسىنا قولداۋ بىلدىرەتىنىن اتاپ ءوتتى.
«قازاقتىڭ دومبىرامەن كۇي ورىنداۋ ونەرى 2014 جىلدان بەرى يۋنەسكو-نىڭ ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتىك تىزىمىنە ەنگىزىلگەن. بۇل بىرەگەي مۋزىكالىق ءداستۇر ادامداردى ءوز تاريحىمەن، ۇلتتىق بولمىسىمەن جانە ءبىر-بىرىمەن بايلانىستىرادى. يۋنەسكو قازاقستانداعى دومبىراعا دەگەن ەرەكشە قۇرمەتتى جوعارى باعالايدى ءارى وسى باعا جەتپەس مۇرانى ۇرپاقتان ۇرپاققا جەتكىزۋگە باعىتتالعان كۇش-جىگەردى قۇپتايدى»، — دەدى يۋنەسكو باس ديرەكتورىنىڭ مادەنيەت ماسەلەلەرى جونىندەگى ورىنباسارى نايەف ءال-فايەز.
بۇعان دەيىن پرەزيدەنت قاسىم-جومارت توقاەۆ قازاقستاندىقتاردى ۇلتتىق دومبىرا كۇنىمەن قۇتتىقتاعان ەدى.
