قوناەۆ قالاسىنداعى ب. سوقپاقباەۆ اتىنداعى ورتالىق ساياباقتىڭ امفيتەاترىندا ۇلتتىق دومبىرا كۇنىنە ارنالعان سالتاناتتى مەرەكەلىك كەش ۇيىمداستىرىلدى.
ءىس-شاراعا الماتى وبلىسىنىڭ اكىمى مارات سۇلتانعازيەۆ قاتىسىپ، ۇلتتىق قۇندىلىقتىڭ سيمۆولىنا اينالعان دومبىرانىڭ قازاق حالقىنىڭ رۋحاني ومىرىندەگى ورنى ەرەكشە ەكەنىن اتاپ ءوتتى. ول ۇلتتىق ونەردى دارىپتەۋ، ءداستۇرلى مۋزىكانى ناسيحاتتاۋ جانە وسكەلەڭ ۇرپاققا ۇلتتىق مۇرانى جەتكىزۋدىڭ ماڭىزدىلىعىنا توقتالدى.
مەرەكەلىك كونتسەرتتە قازاقستاننىڭ حالىق ءارتىسى سەكەن تۇرىسبەك، قازاقستاننىڭ ەڭبەك سىڭىرگەن قايراتكەرى گۇلميرا سارينا، «الاتاۋ سەرىلەرى» توبى، «اق جاۋىن» كامەرالىق وركەسترى جانە ءسۇيىنباي اتىنداعى الماتى وبلىستىق فيلارمونياسىنىڭ ونەرپازدارى ونەر كورسەتتى. كەش بارىسىندا ۇلتتىق كۇيلەر مەن حالىق اندەرى ورىندالىپ، كورەرمەندەرگە ەرەكشە رۋحاني اسەر سىيلادى.
