يراكتا قۇقىق قورعاۋ ورگاندارى دەپۋتات حيند ءال-ءابباسيدىڭ ۇيىندە ءتىنتۋ جۇرگىزدى، دەپ حابارلايدى "ادىرنا" ۇلتتىق پورتالى.
Haber.ru مالىمەتىنشە، ءتىنتۋ ناتيجەسىندە 57 ميلليون اقش دوللارى كولەمىندەگى قولما-قول اقشا، 27 كەلى تازا التىن جانە جۇرتشىلىقتىڭ ەرەكشە نازارىن اۋدارعان «التىن ءىش كيىمدى» تاپقان. بيلىك ونىڭ ناقتى قانداي بۇيىم ەكەنىن ناقتىلاعان جوق.
بۇل وپەراتسيا مەملەكەتتىك قارجىنى ماقساتسىز پايدالانۋ مەن جەمقورلىققا قاتىستى اۋقىمدى تەرگەۋ اياسىندا جۇرگىزىلگەن. مالىمەتكە سايكەس، ءىس بويىنشا دەپۋتاتتار مەن جوعارى لاۋازىمدى شەنەۋنىكتەردى قوسا العاندا، 47 ادام ۇستالعان.
يراك پرەمەر-ءمينيسترى ءالي ءال-زەيدي ۇكىمەتتىڭ جەمقورلىقپەن كۇرەستى جالعاستىراتىنىن ايتىپ، الداعى ۋاقىتتا وزگە دە جوعارى لاۋازىمدى تۇلعالارعا قاتىستى تەرگەۋلەر باستالۋى مۇمكىن ەكەنىن حابارلادى..
