"قاڭتار قاسىرەتى": پوليتسەيلەردىڭ 23 ازاماتتى ۇتىكپەن ازاپتاعانى دالەلدەندى

2257
Adyrna.kz Telegram

قاڭتاردا تالدىقورعان پوليتسيا قىزمەتكەرلەرىنىڭ 23 ازاماتتى ۇتىكپەن ازاپتاعانى دالەلدەندى. بۇل تۋرالى باس پروكۋراتۋرا حابارلادى، دەپ جازادى "ادىرنا" ۇلتتىق پورتالى. 

"قازىرگى ۋاقىتتا ارنايى پروكۋرورلار الماتى وبلىسىنىڭ پوليتسيا دەپارتامەنتىندە ۇتىك باسۋمەن ازاپتاۋدى قولدانۋ تۋرالى ءىس بويىنشا تەرگەۋ ارەكەتتەرىن اياقتادى. ناتيجەسىندە پوليتسيا قىزمەتكەرلەرىنىڭ 2022 جىلعى 7-17 قاڭتار ارالىعىندا تالدىقورعان قالاسىندا جاپپاي تارتىپسىزدىك جاساعانى ءۇشىن ۇستالعان 23 ازاماتقا ازاپتاۋ قولدانعانى دالەلدەندى",- دەپ جازىلعان حابارلامادا.

قىلمىستىق كودەكستىڭ 146-بابى بويىنشا 5 پوليتسيا قىزمەتكەرى كۇدىكتى دەپ تانىلدى.  ونىڭ ىشىندە 3 كريمينالدىق پوليتسيا باسقارماسىنىڭ قىزمەتكەرى، 1 اكىمشىلىك پوليتسيا باسقارماسىنىڭ ينسپەكتورى جانە 1 جقاج قىزمەتكەرى بار.

"ادىرنا" ۇلتتىق پورتالى 

 

پىكىرلەر