شۆەيتساريادا ەۋروپاداعى ەڭ كونە اەس سانالاتىن «بەزناۋ»-دىڭ ەكى رەاكتورى ۋاقىتشا توقتاتىلدى، دەپ حابارلايدى "ادىرنا" ۇلتتىق پورتالى.
بۇعان اپتاپ ىستىق سالدارىنان رەاكتورلاردى سالقىنداتۋعا پايدالانىلاتىن اارە وزەنىندەگى سۋ تەمپەراتۋراسىنىڭ 25 گرادۋسقا دەيىن كوتەرىلۋى سەبەپ بولعان.
اەس باسقاراتىن Axpo كومپانياسىنىڭ حابارلاۋىنشا، سوڭعى ەكى كۇندە اارە وزەنىنىڭ سۋ تەمپەراتۋراسى قايتادان 25 گرادۋسقا جەتكەن جانە جاقىن ۋاقىتتا سۋدىڭ جەتكىلىكتى دەڭگەيدە سالقىنداۋى كۇتىلمەيدى.
Axpo وكىلدەرى رەاكتورلاردىڭ جۇمىسى ۋاقىتشا عانا توقتاتىلعانىن اتاپ ءوتتى.
«وزەن سۋى سالقىنداعاننان كەيىن نەمەسە ونىڭ تەمپەراتۋراسىنىڭ تومەندەيتىنى تۋرالى بولجام جاسالعان جاعدايدا رەاكتورلاردى قايتا ىسكە قوسۋ جوسپارلانادى. الايدا بۇل ءۇشىن قۇزىرلى مەملەكەتتىك ورگانداردىڭ رۇقساتى قاجەت»، – دەلىنگەن كومپانيا حابارلاماسىندا.
