ليۆاندا يزرايل شابۋىلدارىنان قازا تاپقاندار سانى 4297 ادامعا جەتتى. بۇل تۋرالى ەلدىڭ دەنساۋلىق ساقتاۋ مينيسترلىگى ايتتى، دەپ حابارلايدى «ادىرنا» ءتىلشىسى.
«اسكەري كۇشتەردىڭ شيەلەنىسۋىنەن 2 ناۋرىزدان 1 شىلدەگە دەيىنگى ارالىقتا جالپى 4 297 ادام قازا تاۋىپ، 12 196 ادام جاراقات الدى»،– دەدى مينيسترلىك.
ۆەدومستۆونىڭ مالىمەتىنشە، 16 ساۋىردەن بەرى كۇشىندە تۇرعان اتىستى توقتاتۋ رەجيمىنە قاراماستان، يزرايل ليۆاننىڭ وڭتۇستىگى مەن استاناسى بەيرۋتقا شابۋىل جاساۋدى جالعاستىرىپ جاتىر.
26 ماۋسىمدا ليۆان مەن يزرايل وكىلدەرى اقش-تىڭ اراعايىندىعىمەن ۆاشينگتوندا قاقتىعىستى رەتتەۋگە باعىتتالعان نەگىزدەمەلىك كەلىسىمگە قول قويعان بولاتىن. ليۆانداعى «حەزبوللا» قوزعالىسىنىڭ جەتەكشىسى نايم قاسەم ۆاشينگتوندا قول قويىلعان قۇجاتتىڭ زاڭدىق كۇشى جوق ەكەنىن ايتىپ، ونى «ەگەمەندىكتەن ايىرىلۋ» دەپ باعالادى.
