جامبىل وبلىسى جۋالى اۋدانىندا «الماتى – تاشكەنت» تاسجولىنىڭ 560-شاقىرىمىندا، نۇرلىكەنت اۋىلىنا تاياۋ تۇستا ءىرى جول اپاتى بولدى. بۇل تۋرالى تجم جازدى، دەپ حابارلايدى "ادىرنا".
اقپاراتقا سايكەس، موتور مايىن تاسىمالداپ بارا جاتقان اۋىر جۇك كولىگى جول جيەگىنە اۋدارىلعان. سالدارىنان كولىكتىڭ ءوزى عانا ەمەس، جەرگە جايىلعان جانار-جاعارماي ماتەريالدارى دا بىردەن تۇتانعان.
وقيعا ورنىنا تجم كۇشتەرى مەن تەحنيكاسى شۇعىل تۇردە جونەلتىلدى. ءورت ءسوندىرۋ بولىمشەلەرى جەتكەن ساتتە جۇك كولىگى مەن توگىلگەن ماي لاۋلاپ جانىپ جاتقان بولاتىن.
قۇتقارۋشىلاردىڭ ۇيلەسىمدى ءارى كاسىبي ءىس-ارەكەتىنىڭ ارقاسىندا ءتىلسىز جاۋ قىسقا مەرزىم ىشىندە تولىق اۋىزدىقتالدى. رەسمي مالىمەت بويىنشا، اپاتتان زارداپ شەككەندەر جوق.
ۇقساس جاڭالىقتار
