الماتى وبلىسىنداعى تاۋ شاتقالدارىندا جۇك كولىگى اۋدارىلىپ، جۇرگىزۋشى قازا تاپتى، دەپ حابارلايدى "ادىرنا" ۇلتتىق پورتالى وبلىستىڭ توتەنشە جاعدايلار دەپارتامەنتىنىڭ (تجد) ءباسپاسوز قىزمەتىنە سىلتەپ.
«9 ساۋىردە ساعات 15.30-دا الماتى وبلىسىنىڭ توتەنشە جاعدايلار دەپارتامەنتىنە ەسكەلدى اۋدانى، چەركاساي شاتقالىندا «گاز-66» اۆتوكولىگى تاۋ جولىنان شاتقالعا اۋدارىلىپ كەتكەنى تۋرالى حابارلاما كەلىپ ءتۇستى. وقيعا سالدارىنان 1969 جىلى تۋعان ەر ادام وقيعا ورنىندا قازا تاپتى، تاعى ءبىر 1990 جىلى تۋعان ەر ادام جاراقات الدى»، - دەپ حابارلادى.
ۆەدومستۆودا حابارلاعانداي، قازا بولعان جۇرگىزۋشىنىڭ دەنەسىن شىعارۋ ءۇشىن تجد جەدەل-قۇتقارۋ جاساعىنىڭ قۇتقارۋشىلارى (بەس قىزمەتكەر مەن ءبىر تەحنيكا), ەرىكتىلەر (10 ادام مەن ەكى تەحنيكا) جۇمىلدىرىلدى.
"ادىرنا" ۇلتتىق پورتالى
