اتىراۋ مۇناي وڭدەۋ زاۋىتى 26 ماۋسىمنان باستاپ جوسپارلى الدىن الۋ جوندەۋ جۇمىستارىنا توقتايدى، دەپ حابارلايدى "ادىرنا" ۇلتتىق پورتالى.
كاسىپورىندا جۇرگىزىلەتىن جۇمىستار شامامەن ءبىر ايعا سوزىلادى. جوندەۋ كەزەڭىندە زاۋىتتاعى تەحنولوگيالىق قوندىرعىلارعا تولىق تەحنيكالىق ساراپتاما مەن كۋالاندىرۋ جۇرگىزىلىپ، جابدىقتاردىڭ جاي-كۇيى تەكسەرىلەدى. بۇل – ءوندىرىستىڭ قاۋىپسىزدىگى مەن سەنىمدىلىگىن قامتاماسىز ەتۋگە باعىتتالعان جىل سايىنعى مىندەتتى ءراسىم.
زاۋىت اكىمشىلىگىنىڭ مالىمەتىنشە، جوسپارلى جوندەۋ زاماناۋي ءارى كۇردەلى تەحنولوگيالىق جۇيەلەردىڭ تۇراقتى جۇمىسىن ساقتاۋعا، جابدىقتاردىڭ تيىمدىلىگىن ارتتىرۋعا جانە وندىرىستىك پروتسەستەردىڭ ۇزدىكسىز ءارى قاۋىپسىز جۇرۋىنە مۇمكىندىك بەرەدى.
اتىراۋ مۇناي وڭدەۋ زاۋىتى قازاقستانداعى ءىرى مۇناي وڭدەۋ كاسىپورىندارىنىڭ ءبىرى سانالادى جانە ەلدىڭ جانار-جاعارماي نارىعىن قامتاماسىز ەتۋدە ماڭىزدى ءرول اتقارادى.
