اتىراۋ وبلىسىندا 36 جاستاعى شەنەۋنىك ءوزىن ولتىرگەن، دەپ حابارلايدى "ادىرنا" ۇلتتىق پورتالى.
قۇرمانعازى اۋدانىندا جەر قاتىناستارى، ساۋلەت جانە قالا قۇرىلىسى ءبولىمىنىڭ باسشىسى قۋانىش يماشەۆ وزىنە قول جۇمسادى.
الدىن الا مالىمەتتەر بويىنشا، ول وتباسىلىق جانجالدان كەيىن اڭشى مىلتىعىمەن ءوز-وزىنە وق اتقان.
اتىراۋ وبلىستىق پوليتسيا دەپارتامەنتى بۇل اقپاراتتى راستادى.
ۆەدومستۆونىڭ مالىمەتىنشە، اتالعان دەرەك بويىنشا قىلمىستىق كودەكستىڭ ء“وزىن-ءوزى ولتىرۋگە دەيىن جەتكىزۋ” بابىمەن سوتقا دەيىنگى تەرگەۋ باستالعان.
“قۇرمانعازى اۋدانىندا بولعان سۋيتسيد فاكتىسى بويىنشا قىلمىستىق ءىس تىركەلدى. قازىر بولعان وقيعانىڭ بارلىق ءمان-جايىن انىقتاۋ ءۇشىن كەشەندى تەرگەۋ امالدارى جۇرگىزىلۋدە”، — دەلىنگەن پوليتسيانىڭ رەسمي حابارلاماسىندا.
اتىراۋ وبلىسى اكىمدىگى بۇل وقيعاعا بايلانىستى پىكىر بىلدىرۋدەن باس تارتتى.
