شىعىس قازاقستان وبلىسىنىڭ پروكۋراتۋرا ورگاندارى تۇرعىندارعا تەگىن قۇقىقتىق كومەك كورسەتۋ جانە ءتۇرلى قۇقىقتىق ماسەلەلەر بويىنشا كەڭەس بەرۋ ماقساتىندا رەسپۋبليكالىق «قۇقىقتىق ءدارىحانا» اكتسياسىن وتكىزدى.
ءىس-شارا وبلىستىڭ بارلىق قالا جانە اۋداندارىن قامتىدى. وبلىس ورتالىعىندا اكتسيا وسكەمەن قالاسىنداعى «ADK River» ساۋدا-ويىن-ساۋىق ورتالىعىندا، «يمپەراتور» ساۋدا ۇيىندە، سونداي-اق س.امانجولوۆ اتىنداعى شىعىس قازاقستان ۋنيۆەرسيتەتىنىڭ الاڭىندا ۇيىمداستىرىلدى.
اكتسيا بارىسىندا تۇرعىندارعا وزدەرىن قىزىقتىرعان بارلىق ماسەلەلەر بويىنشا بىلىكتى قۇقىقتىق كومەك كورسەتىلىپ، قولدانىستاعى زاڭناما اياسىندا ءوز قۇقىقتارىن ىسكە اسىرۋ جولدارى جان-جاقتى ءتۇسىندىرىلدى.
جالپى، ازاماتتاردىڭ نەگىزگى سۇراقتارى ەڭبەك جانە جەر زاڭناماسىنا، مۇرانى راسىمدەۋ مەن بەرۋ تارتىبىنە، سوت اكتىلەرىن ورىنداۋعا، كاسىپكەرلىك قىزمەتتى باستاۋعا، سالىقتىق اۋىرتپالىقتارعا جانە باسقا دا قۇقىقتىق ماسەلەلەرگە قاتىستى بولدى.
سونىمەن قاتار، حالىق اراسىندا ينتەرنەت-الاياقتىقتىڭ الدىن الۋ بويىنشا پروفيلاكتيكالىق جۇمىستار جۇرگىزىلدى. پروكۋراتۋرا قىزمەتكەرلەرى تۇرعىندارعا تسيفرلىق قاۋىپسىزدىك تالاپتارىن ساقتاۋدىڭ ماڭىزدىلىعىن ءتۇسىندىرىپ، جەكە دەرەكتەردى بوگدە ادامدارعا بەرمەۋ قاجەتتىگىن ەسكە سالدى.
جازعى دەمالىس كەزەڭىنە بايلانىستى كامەلەتكە تولماعاندار اراسىنداعى قۇقىق بۇزۋشىلىقتاردىڭ الدىن الۋ، بالالاردىڭ قاۋىپسىزدىگىن قامتاماسىز ەتۋ ماسەلەلەرىنە ەرەكشە نازار اۋدارىلدى. سونداي-اق ەسىرتكى قۇقىق بۇزۋشىلىقتارىنىڭ الدىن الۋ بويىنشا ءتۇسىندىرۋ جۇمىستارى جۇرگىزىلىپ، ەسىرتكىنىڭ زاڭسىز اينالىمىنا جانە وزگە دە زاڭسىز تابىس تابۋ سحەمالارىنا قاتىسۋدىڭ قۇقىقتىق سالدارى ءتۇسىندىرىلدى.
وتكىزىلگەن اكتسيا مەن تەگىن قۇقىقتىق كومەكتىڭ قولجەتىمدىلىگى وبلىس تۇرعىندارىنىڭ وڭ باعاسىنا يە بولدى.
