مۇحتار اۋەزوۆ اتىنداعى قازاق ۇلتتىق دراما تەاترىنىڭ 100 جىلدىق مەرەيتويىنا وراي قازاقستان رەسپۋبليكاسى مەن ورتالىق ازيا ەلدەرىنىڭ دراماتۋرگتەرى اراسىندا كومەديا جانرى بويىنشا حالىقارالىق دراماتۋرگيالىق بايقاۋ جاريالاندى.
اۋقىمدى شىعارماشىلىق جوبا ۇلتتىق دراماتۋرگيانى دامىتۋعا، حالىقارالىق مادەني بايلانىستاردى كەڭەيتۋگە جانە تەاتر رەپەرتۋارىن جاڭا كاسىبي پەسالارمەن تولىقتىرۋعا باعىتتالعان. سونىمەن قاتار بايقاۋ جاس اۆتورلاردى قولداپ، كومەديا جانرىنداعى جاڭا ەسىمدەردى اشۋدى ماقسات ەتەدى.
بايقاۋ اياسىندا:
- ۇلتتىق دراماتۋرگيانىڭ دامۋىنا قولداۋ كورسەتۋ;
- حالىقارالىق شىعارماشىلىق بايلانىستاردى كەڭەيتۋ;
- م. اۋەزوۆ اتىنداعى تەاتردىڭ رەپەرتۋارىن ساپالى جاڭا پەسالارمەن تولىقتىرۋ;
- دراماتۋرگتەردىڭ كومەديا جازۋعا دەگەن قىزىعۋشىلىعىن ارتتىرۋ.
قاتىسۋ شارتتارى
بايقاۋعا تەك كومەديا جانرىنداعى پەسالار قابىلدانادى. ۇسىنىلاتىن شىعارمالار:
- بۇرىن جاريالانباعان جانە ساحنالانباعان ءتول تۋىندى بولۋى ءتيىس;
- ينستسەنيروۆكا ەمەس، اۆتوردىڭ جەكە شىعارماسى بولۋى قاجەت.
اۆتورلار پەسالارىن ونلاين تۇردە (teatr.auezov@bk.ru) نەمەسە الماتى قالاسى، جىبەك جولى كوشەسى، 154 مەكەنجايىنا وفلاين جولداي الادى. شىعارمالار قازاق نەمەسە ورىس تىلدەرىندە قابىلدانادى.
وتىنىمگە اۆتور تۋرالى مالىمەتتەر مەن بايلانىس تەلەفوندارى قوسا بەرىلۋى ءتيىس. سونداي-اق اۆتورلىق قۇقىقتى راستايتىن قۇجات (اۆتورلىق كۋالىك) مىندەتتى.
بايقاۋعا كەلىپ تۇسكەن جۇمىستاردى كاسىبي قازىلار القاسى – رەجيسسەرلەر، دراماتۋرگتەر جانە تەاترتانۋشىلار ساراپتايدى.
بايقاۋ ناتيجەسى بويىنشا:
- I ورىن – ۇزدىك پەسا تەاتر رەپەرتۋارىنا ەنگىزىلەدى;
- II ورىن – كىشى فورمادا ساحنالانادى;
- III ورىن – وقىلىم فورماتىندا تالقىلانادى.
بايقاۋ 2026 جىلدىڭ 1 ءساۋىرى مەن 1 قىركۇيەگى ارالىعىندا وتەدى. قورىتىندى ناتيجەلەر 2026 جىلدىڭ 1 قازانىندا جاريالانادى.
شارا قازاقستان رەسپۋبليكاسىنىڭ مادەنيەت جانە اقپارات مينيسترلىگىنىڭ قولداۋىمەن جۇزەگە اسىرىلادى.
تولىق اقپارات:
- سايت: auezov-theatre.kz
- تەلەفون: +7 (727) 378-53-85, +7 705 197 80 64
- E-mail: teatr.auezov@bk.ru
قازاقستاننىڭ قۋىرشاق تەاترى فرانتسياداعى «وff avignon» فەستيۆالىندە ەۋروپا كورەرمەندەرىن تامساندىردى
