الەۋمەتتىك جەلىلەردە الماتى قالاسىنداعى جالدامالى پاتەرلەردىڭ بىرىنەن تابىلعان بالالاردىڭ قولجازبا حاتتارى كەڭىنەن تارالىپ، قوعامنىڭ الاڭداۋشىلىعىن تۋدىردى، دەپ حابارلايدى "ادىرنا" ۇلتتىق پورتالى.
بەيرەسمي مالىمەتتەرگە سايكەس، جاڭا جالعا الۋشى پاتەردى تازالاۋ بارىسىندا جيھازداردىڭ اراسىنان جانە ەدەننىڭ استىنان بالالار جازعان بىرنەشە قاعازدى تاۋىپ العان. ونداعى مازمۇن كوپشىلىكتىڭ نازارىن اۋداردى. تارالعان جازبالاردىڭ بىرىندە بالا اناسىنان ءوزىن ۇرماۋدى ءوتىنىپ، وعان دەگەن سۇيىسپەنشىلىگىن بىلدىرگەن.
«اناشىم، مەن سەنى جاقسى كورەمىن. وتىنەمىن، مەنى ۇرماشى. سەن وتە ادەمىسىڭ، مەن سەنى قاتتى جاقسى كورەمىن. اناشىم، بالالاردى ۇرۋعا بولمايدى عوي»، - دەلىنگەن.
ەكىنشى حاتتا دا ءدال وسىنداي مازمۇنداعى وتىنىشتەر جازىلىپ، بالانىڭ فيزيكالىق جازاعا ۇشىراعان بولۋى مۇمكىن دەگەن بولجام ايتىلۋدا.
«اناشىم، وتىنەمىن، مەنى ۇرماشى. ماعان قاتتى اۋىرىپ جاتىر. ەندى وزگەرەمىن. سەنى جاقسى كورەمىن. وتىنەمىن، سابىر ساقتاشى»، - دەپ جازعان.
الايدا قازىر بۇل حاتتاردىڭ ناقتى قاشان جازىلعانى، ولاردىڭ اۆتورى كىم ەكەنى جانە بۇرىن پاتەردى كىمدەردىڭ جالداپ تۇرعانى جونىندە رەسمي اقپارات جاريالانعان جوق. سونداي-اق وقيعانىڭ الماتى قالاسىنىڭ قاي اۋدانىندا بولعانى دا ناقتىلانباعان.
الەۋمەتتىك جەلى قولدانۋشىلارى اتالعان جاعدايعا قاتىستى قۇقىق قورعاۋ ورگاندارى مەن يۋۆەنالدى پوليتسيا تاراپىنان تەكسەرۋ جۇرگىزۋدى ۇسىنىپ، بۇرىنعى پاتەر تۇرعىندارىن انىقتاۋ جانە حاتتاردى جازعان بالانىڭ جاعدايىن تەكسەرۋ قاجەتتىگىن ايتىپ جاتىر.
