مەملەكەت باسشىسى قاسىم-جومارت توقاەۆ ىشكى ىستەر ءمينيسترى ەرجان سادەنوۆتى قابىلدادى. بۇل تۋرالى بۇگىن، 17 ماۋسىمدا اقوردا جازدى، دەپ حابارلايدى «ادىرنا» ءتىلشىسى.
پرەزيدەنتكە ەلدەگى كريمينوگەندىك احۋال جانە ىشكى ىستەر ورگاندارىنىڭ الدىنا قويىلعان مىندەتتەردىڭ ورىندالۋى جونىندە باياندالدى.
ەرجان سادەنوۆ 2026 جىلدىڭ العاشقى بەس ايىنىڭ قورىتىندىسى بويىنشا تىركەلگەن قىلمىس سانى بىلتىرعى كەزەڭمەن سالىستىرعاندا 9 پايىزعا تومەندەگەنىن جەتكىزدى. ايتۋىنشا، نەگىزگى ساناتتار بويىنشا قۇقىقبۇزۋشىلىقتىڭ ازايۋى جانە قىلمىستى اشۋ دەڭگەيىنىڭ ارتۋى بايقالادى.
مينيستر ۆەدومستۆونىڭ جازانىڭ بۇلتارتپاس قاعيداتىن دايەكتى تۇردە قامتاماسىز ەتىپ كەلەتىنىن جەتكىزدى. ونىڭ سوزىنشە، ەسەپتى كەزەڭدە وتكەن جىلدارى جاسالعان 1685 قىلمىس اشىلعان. سوت تورەلىگىنەن جاسىرىنىپ جۇرگەن 574 قىلمىسكەر، ونىڭ ىشىندە 89-ى شەتەلدەن تابىلدى.
مەملەكەت باسشىسى ەلدەگى قوعامدىق قاۋىپسىزدىك پەن قۇقىقتىق جۇيەنى قامتاماسىز ەتۋ ءۇشىن سادەنوۆكە «زاڭ مەن ءتارتىپ» قاعيداتىن ناقتى جۇزەگە اسىرۋ جونىندە بىرقاتار تاپسىرما جۇكتەدى.
