مەملەكەت باسشىسى قاسىم-جومارت توقاەۆ كونگو دەموكراتيالىق رەسپۋبليكاسى پرەزيدەنتىنىڭ ارناۋلى وكىلى پاتريك مپوي لۋابەيانى قابىلدادى. بۇل تۋرالى 25 تامىزدا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
قاسىم-جومارت توقاەۆ پاتريك مپوي لۋابەياعا ءىلتيپات ءبىلدىرىپ، ونىڭ ساپارىن قازاقستان مەن كونگو دەموكراتيالىق رەسپۋبليكاسى اراسىنداعى ىنتىماقتاستىقتى دامىتۋ جولىنداعى ماڭىزدى قادام رەتىندە قاراستىراتىنىن اتاپ ءوتتى.
پاتريك مپوي لۋابەيا قاسىم-جومارت توقاەۆقا كەزدەسۋگە مۇمكىندىك جاساعانى ءۇشىن ريزاشىلىعىن ءبىلدىرىپ، كونگو دەموكراتيالىق رەسپۋبليكاسى پرەزيدەنتى فەليكس چيسەكەديدىڭ ارنايى سالەمىن جەتكىزدى.
كەزدەسۋ بارىسىندا كونگو دەموكراتيالىق رەسپۋبليكاسى پرەزيدەنتىنىڭ قازاقستانعا جاسايتىن ساپارىنا دايىندىق ماسەلەلەرى، سونداي-اق ەكىجاقتى ىنتىماقتاستىقتىڭ پەرسپەكتيۆتى باعىتتارى تالقىلاندى.
