رەسەي پرەزيدەنتى ۆلاديمير پۋتين 13 ناۋرىز كەشكە اقش پرەزيدەنتىنىڭ ارنايى وكىلى ستيۆەن ۋيتكوففتى قابىلداپ، ول ارقىلى اقش باسشىسى دونالد ترامپقا اقپارات جەتكىزدى. بۇل تۋرالى رەسەي پرەزيدەنتىنىڭ ءباسپاسوز حاتشىسى دميتري پەسكوۆ مالىمدەدى، دەپ حابارلايدى “ادىرنا” ۇلتتىق پورتالى.
«كەشە كەشكىسىن پرەزيدەنت پۋتين ۋيتكوففتى قابىلدادى جانە رەسەيلىك تاراپقا قوسىمشا اقپارات بەرىلدى. ۋيتكوفف ارقىلى پۋتين پرەزيدەنت ترامپقا اقپارات پەن قوسىمشا سيگنال بەردى»، - دەدى پەسكوۆ.
ونىڭ ايتۋىنشا، رەسەي مەن اقش پرەزيدەنتتەرى ۆلاديمير پۋتين مەن دونالد ترامپتىڭ سويلەسۋ ۋاقىتى ءالى انىقتالعان جوق.
“ەكى پرەزيدەنت كەزدەسۋىنىڭ ناقتى ۋاقىتى ءالى كەلىسىلگەن جوق. بىراق ۋيتكوفف مىرزا ماسكەۋدەن العان بارلىق اقپاراتتى ءوز باسشىسىنا جەتكىزگەننەن كەيىن ءبىز كەزدەسۋ ۋاقىتىن انىقتايمىز”، - دەدى كرەمل وكىلى.
ەكى تاراپتا دا كەزدەسۋ قاجەتتىگى تۋرالى تۇسىنىستىك بار، دەپ قوستى ول.
ءپۋتيننىڭ ۋيتكوففپەن ديالوگى كەشە كەشكە كيەۆ رەجيمى 30 كۇندىك اتىستى توقتاتۋ تۋرالى كەلىسىمگە كەلگەن دجيدداداعى اقش-ۋكراينا كەلىسسوزدەرىنەن كەيىن ءوتتى.
ترامپتىڭ ۋكراينا مەن رەسەي جونىندەگى ارنايى وكىلى بەيبىت كەلىسسوزدەردەن شەتتەتىلگەنىن جازعان بولاتىنبىز.
