الماتىدا ەكسكاۆاتور موپەد جۇرگىزۋشىسىن قاعىپ ءولتىردى، دەپ حابارلايدى "ادىرنا" ۇلتتىق پورتالى.
16 جاستاعى ءجاسوسپىرىم جاراقات سالدارىنان كوز جۇمدى.
قايعىلى جاعدايدى الماتىنىڭ پوليتسيا دەپارتامەنتى راستادى. ادام ولىمىنە اكەلگەن جول اپاتى 24 قازان كۇنى ساعات 08:10-دا الاتاۋ اۋدانىندا بولعان.
“العاباس ىقشاماۋدانىنداعى دوسپانوۆا كوشەسىمەن سولتۇستىك باعىتتا كەلە جاتقان 15 جاستاعى موپەد ايداعان ءجاسوسپىرىم قاتار كەلە جاتقان “Chevrolet” كولىگىمەن سوقتىعىسقان. قاتتى سوققى سالدارىنان موپەد اۋدارىلىپ قالدى. ال ونىڭ جول جيەگىنە قۇلاعان 16 جاستاعى جولاۋشىسىن ەكسكاۆاتور باسىپ كەتتى”، – دەپ مالىمدەدى پوليتسيا.
پوليتسيانىڭ مالىمەتىنشە، جىل باسىنان بەرى موپەدتەردىڭ قاتىسۋىمەن 743 جول-كولىك وقيعاسى بولىپ، سالدارىنان 14 ادام قازا تاپقان.
