قازاقستاندىق اكتەر رۇستەم جانىامانوۆ پەن ونىڭ جارى، اكتريسا جانارگۇل جانىامانوۆانىڭ تۇڭعىش ۇلى نۇرمۇحاممەت دۇنيەدەن ءوتتى، دەپ حابارلايدى "ادىرنا" ۇلتتىق پورتالى.
قارالى حاباردى پروديۋسەر گۇلنۇر ماماساريپوۆا 1 ماۋسىم كۇنى الەۋمەتتىك جەلىدەگى پاراقشاسىندا جاريالاپ، مارقۇمنىڭ اتا-اناسى مەن جاقىندارىنا كوڭىل ايتتى.
ء«بىزدىڭ رۇستەم مەن جانارگۇل تۇڭعىش ۇلى نۇرمۇحاممەتتەن ايىرىلىپ قالدى. بالا – باۋىر ەتتەن، مۇندايدا جۇباتاتىن ءسوز تابۋ دا وڭاي ەمەس. بەكەم بولىڭدار، ءبىز قاستارىڭدامىز»، – دەپ جازدى ول.
الەۋمەتتىك جەلى قولدانۋشىلارى اكتەرلەر وتباسىنىڭ قايعىسىنا ورتاقتاسىپ، كوڭىل ايتىپ جاتىر.
ايتا كەتەيىك، رۇستەم جانىامانوۆ پەن جانارگۇل جانىامانوۆا بۇعان دەيىن بىرنەشە سۇحباتىندا تۇڭعىش ۇلدارىنىڭ دەنساۋلىعى ءۇشىن ۇزاق جىلدار بويى كۇرەسكەندەرىن ايتقان. ولاردىڭ سوزىنشە، نۇرمۇحاممەت اۋىر دياگنوزبەن 5-6 جىل ارپالىسىپ، وتباسى ونىڭ ساۋىعىپ كەتۋى ءۇشىن بار كۇش-جىگەرىن جۇمساعان.
