مادەنيەت جانە ونەر قىزمەتكەرلەرى كۇنىنە وراي «ديماشالي» شىعارماشىلىق ورتالىعىنىڭ جەتەكشىسى، كومپوزيتور، پروديۋسەر، مۋزىكانت قانات ايتباەۆ «پاراسات» وردەنىمەن ماراپاتتالدى. ماراپاتتى مەملەكەت باسشىسىنىڭ اتىنان پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا تابىستادى، دەپ حابارلايدى «ادىرنا» ءتىلشىسى.
ايدا بالاەۆا قانات ايتباەۆتىڭ وتاندىق مادەنيەت پەن ونەردى دامىتۋداعى ەلەۋلى ەڭبەگىن، سونداي-اق قازاقستاندىق مۋزىكا ونەرىن قولداۋ جانە كەڭىنەن ناسيحاتتاۋ جولىنداعى ۇلەسىن ەرەكشە اتاپ ءوتتى.
«پاراسات» وردەنى عىلىم، مادەنيەت، ادەبيەت پەن ونەر سالالارىن دامىتۋعا سىڭىرگەن ايرىقشا ەڭبەگى، سونداي-اق ەلدىڭ رۋحاني جانە زياتكەرلىك الەۋەتىن نىعايتۋعا قوسقان ۇلەسى ءۇشىن بەرىلەدى.
ايتا كەتەيىك، قانات ايتباەۆ جەكە جاعدايىنا بايلانىستى بۇعان دەيىن مادەنيەت جانە ونەر قىزمەتكەرلەرى كۇنىنە وراي وتكەن سالتاناتتى ماراپاتتاۋ راسىمىنە قاتىسا الماعان بولاتىن.
