جاڭاارقا اۋداندىق مادەني-ساۋىق ورتالىعىندا اقمارال التاەۆا اتىنداعى رەسپۋبليكالىق «ارقا ارۋى – 2026» سۇلۋلىق بايقاۋى جوعارى دەڭگەيدە ۇيىمداستىرىلدى. قازاقستان رەسپۋبليكاسى تاۋەلسىزدىگىنىڭ 35 جىلدىعىنا وراي وتكەن بايقاۋدىڭ ماقساتى – ۇلتتىق قۇندىلىقتاردى دارىپتەۋ، قازاق قىزدارىنىڭ ونەرى مەن ءبىلىمىن، مادەنيەتى مەن سۇلۋلىعىن ناسيحاتتاۋ.
بايقاۋعا ەلىمىزدىڭ تۇكپىر-تۇكپىرىنەن كەلگەن ارۋلار قاتىسىپ، وزدەرىنىڭ شىعارماشىلىق قابىلەتتەرىن، ساحنا مادەنيەتىن جانە ۇلتتىق ونەرگە دەگەن قۇرمەتىن كورسەتتى.
شاراعا ۇلىتاۋ وبلىسى اكىمىنىڭ ورىنباسارى باقىتجان جايلاۋباەۆ، جاڭاارقا اۋدانىنىڭ اكىمى قانات قوجىقاەۆ، اۋداندىق ءماسليحات توراعاسى يۋرجان بەكقوجين، قر پارلامەنتى ءماجىلىسىنىڭ دەپۋتاتتارى امانجول ءالتاي مەن قازىبەك الىشەۆ قاتىستى.
سونىمەن قاتار بايقاۋدىڭ قۇرمەتتى قوناقتارى مەن قازىلار القاسىنىڭ قۇرامىندا قازاقستاننىڭ ەڭبەك سىڭىرگەن قايراتكەرلەرى قانات ايتباەۆ پەن سۆەتا ايتباەۆا، تەلەجۇرگىزۋشى ءارى كاسىپكەر دينارا ءساتجان، اقىن قالقامان سارين، قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى سەرجان مۇسايىن، كاسىپكەر مەرۋەرت ىبىشەۆا بولدى.
شاراعا قازاقستاننىڭ ەڭبەك ەرى، قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى قايرات بايبوسىنوۆ، قازاقستاننىڭ حالىق ءارتىسى مەرۋەرت وتەكەشەۆا، ايتىسكەر اقىندار جۇلدىز قوجابەكوۆا مەن ءومىرجان كوپبوسىنوۆ، قازاقستاننىڭ ەڭبەك سىڭىرگەن ءارتىسى سەرىك وسپانوۆ، كاسىپكەرلەر ءارى مەتسەناتتار مەيرام ايدابولوۆ پەن الماز جاقاەۆ، سونداي-اق اماندوس مۇقانوۆ، ايگۇل مۇقانوۆا، «ايگۇل» زەرگەرلىك سالونىنىڭ يەسى ايگۇل مۇقانوۆا، قالقاش ەرجانوۆ جانە باسقا دا قۇرمەتتى قوناقتار قاتىستى. بايقاۋدىڭ جوعارى دەڭگەيدە وتۋىنە قولداۋ ءبىلدىرىپ، جەڭىمپازدار مەن قاتىسۋشىلاردى ماراپاتتاۋ قورىن قالىپتاستىرۋعا ۇلەس قوسقان ازاماتتارعا ۇيىمداستىرۋشىلار ەرەكشە العىس ءبىلدىردى.
شارانىڭ ەرەكشە ءارى تاعىلىمدى ساتتەرىنىڭ ءبىرى – قازاق كينو ونەرىنىڭ اڭىزىنا اينالعان، «قىز جىبەك» فيلمىندەگى جىبەك بەينەسى ارقىلى حالىقتىڭ سۇيىسپەنشىلىگىنە بولەنگەن قازاقستاننىڭ حالىق ءارتىسى مەرۋەرت وتەكەشوۆانى جاڭاارقا جۇرتشىلىعىنىڭ ايرىقشا قۇرمەتپەن قارسى الۋى بولدى. ۇلتتىق داستۇرگە ساي ۇيىمداستىرىلعان قۇرمەت راسىمىندە ارداقتى ونەر يەسىنە اق بوز ات مىنگىزىلىپ، قازاق حالقىنىڭ ىقىلاسى مەن سىي-قۇرمەتى كورسەتىلدى. بۇل كورىنىس كوپشىلىكتىڭ ەرەكشە ىقىلاسىنا بولەنىپ، بايقاۋدىڭ مازمۇنىن تەرەڭدەتە تۇسكەن اسەرلى ساتتەردىڭ بىرىنە اينالدى.
بايقاۋ قورىتىندىسى بويىنشا باس جۇلدەنى استانا قالاسىنىڭ ارۋى تولعاناي ناۋرىزباي، ءى ورىندى قىزىلوردا وبلىسىنىڭ وكىلى باعدات باقىت، ءىى ورىندى اتىراۋ وبلىسىنىڭ قاتىسۋشىسى ينديرا مۇقتار، ال ءىىى ورىندى ۇلىتاۋ وبلىسىنىڭ ارۋى راحيليا كۋجينا يەلەندى.
ۇلتتىق رۋحتى ۇلىقتاپ، قازاق قىزىنىڭ پاراساتى مەن كوركەم بولمىسىن دارىپتەگەن تاعىلىمدى شارا كورەرمەندەردىڭ ىستىق ىقىلاسىنا بولەنىپ، ەلىمىزدىڭ مادەني ومىرىندەگى ماڭىزدى جوبالاردىڭ بىرىنە اينالدى.
