فوتو: tournavigator
2026 جىلعى 10 ماۋسىمدا ۆاشينگتون قالاسىندا «ترانسكاسپي – 2026» فورۋمى وتەدى. Report اگەنتتىگىنىڭ Caspian Policy Center-گە سىلتەمە جاساپ حابارلاۋىنشا، فورۋم «بەيبىتشىلىك جانە تۇراقتى ارىپتەستىك ارقىلى ەكونوميكالىق قاۋىپسىزدىك» ۇرانىمەن ۇيىمداستىرىلادى، دەپ حابارلايدى "ادىرنا".
ءىس-شارا اقش پەن كاسپي ءوڭىرى ەلدەرىنىڭ جوعارى لاۋازىمدى مەملەكەتتىك وكىلدەرىن، جەتەكشى ساراپشىلاردى جانە جەكە سەكتور باسشىلارىن بىرىكتىرەدى.
فورۋمنىڭ نەگىزگى ماقساتى — امەريكا قۇراما شتاتتارى مەن ۇلكەن كاسپي ءوڭىرى ەلدەرى اراسىنداعى ستراتەگيالىق ارىپتەستىكتى دامىتۋ.
شاراعا اقش مەملەكەتتىك حاتشىسىنىڭ ورىنباسارى كريستوفەر لانداۋ، ازەربايجان پرەزيدەنتىنىڭ كومەكشىسى حيكمەت گادجيەۆ، قازاقستان پرەزيدەنتىنىڭ اقش-پەن كەلىسسوزدەر جونىندەگى وكىلى ەرجان قازىحان، وزبەكستان پرەزيدەنتى سىرتقى ساياسات جونىندەگى كەڭەسشىسىنىڭ ورىنباسارى جاۆلون ۆاحابوۆ، ازەربايجان ەكونوميكا ءمينيسترىنىڭ كەڭەسشىسى تالەح زيادوۆ جانە كاسپي وڭىرىنەن باسقا دا جوعارى لاۋازىمدى وكىلدەر قاتىسادى.
فورۋم كۇن تارتىبىندە ءوڭىردىڭ ستراتەگيالىق دامۋ باعىتى، كاسپي ىنتىماقتاستىعىنىڭ جاڭا كەزەڭى، ورتا ءدالىزدى دامىتۋ، تسيفرلىق ەگەمەندىك جانە ونەركاسىپتىك جاساندى ينتەللەكت، كريتيكالىق ماڭىزدى پايدالى قازبالار، كاسپي باسسەينىنىڭ ەنەرگەتيكالىق قاۋىپسىزدىگى، وڭىردە يادرولىق ەنەرگەتيكانى دامىتۋ جانە ورتا ءدالىز بويىنداعى بيزنەس-جوبالارعا ينۆەستيتسيا تارتۋ ماسەلەلەرى قاراستىرىلعان.
