رەسەيلىكتەردىڭ ۋكرايناعا كىرۋىنە 50 جىلعا تىيىم سالىنباق

2370
Adyrna.kz Telegram

رەسەيلىكتەردىڭ ۋكرايناعا اۋماعىنا كىرۋىنە 50 جىلعا تىيىم سالۋ تۋرالى پەتيتسيا جاريالانىپ، وعان 25 مىڭنان استام ادام قول قويدى، دەپ جازادى "ادىرنا" ۇلتتىق پورتالى. 

"ۋكراينا 8 جىلدان بەرى رەسەيدىڭ ءبىزدىڭ ەل اۋماعىندا باستاعان سوعىستان زارداپ شەگىپ كەلەدى. وكىنىشكە وراي، وسى 8 جىل ىشىندە بيلىك ۋكراينانى رەسەيمەن اراداعى ۆيزاسىز رەجيمنىڭ كەسىرىنەن وسى ۋاقىتقا دەيىن ەلىمىزگە اعىلعان ديۆەرسانتتاردان، اگەنتتەردەن قورعاي المادى. ناتيجەسىندە ءبىز مىڭداعان ادامنىڭ تاعدىرىمەن تولەدىك. قاۋىپسىزدىك ماقساتىندا ءبىز بارلىق رەسەيلىكتەردىڭ ۋكرايناعا كىرۋىن كەلەسى 50 جىلعا تىيىم سالىپ، رەسەي-ۋكراينا سوعىسىندا ۋكراينا جاعىندا سوعىسقانداردان باسقا رەسەيلىكتەرگە ۋكراينادا تۇرۋعا رۇقسات بەرمەۋدى ۇسىنامىز", – دەپ جازىلعان پەتيتسيا ماتىنىندە.

پەتيتسيا 23 مامىردا ۋكراينا پرەزيدەنتىنىڭ كەڭسەسىنىڭ سايتىندا تىركەلدى. ەندى وعان ۋكراينا پرەزيدەنتى ۆلاديمير زەلەنسكي جاۋاپ بەرۋى كەرەك.

"ادىرنا" ۇلتتىق پورتالى 

 

پىكىرلەر