بۇگىن، 28 مامىر كۇنى تاۋەلسىزدىك سارايىندا قازاقستانعا مەملەكەتتىك ساپارمەن كەلگەن رەسەي فەدەراتسياسىنىڭ پرەزيدەنتى ۆلاديمير ءپۋتيندى سالتاناتتى قارسى الۋ ءراسىمى ءوتتى. بۇل تۋرالى اقوردانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
پرەزيدەنت قاسىم-جومارت توقاەۆ رەسەي باسشىسىن ءوزى كۇتىپ الدى.
مارتەبەلى مەيماننىڭ قۇرمەتىنە قازاقستان رەسپۋبليكاسى اۋە قورعانىسى كۇشتەرىنىڭ اسكەري ۇشاقتارى رەسەي تۋىن بەينەلەيتىن اق، كوك جانە قىزىل ءتۇستى جولاقتاردان ءىز تاستاپ ۇشتى.
سودان سوڭ قاسىم-جومارت توقاەۆ پەن ۆلاديمير پۋتين ءبىر بىرىنە رەسمي دەلەگاتسيا مۇشەلەرىن تانىستىردى.
قۇرمەت قاراۋىلىنىڭ باستىعى راپورت بەرىپ، ەكى ەلدىڭ مەملەكەتتىك ءانۇراندارى شىرقالدى.
ۇقساس جاڭالىقتار
