قازاقستاندىق پاراتاەكۆوندوشى كاميليا دوسمالوۆا موڭعوليا استاناسى ۇلان-باتىر قالاسىندا ءوتىپ جاتقان ازيا چەمپيوناتىندا التىن مەدال جەڭىپ الدى، دەپ حابارلايدى "ادىرنا" ۇلتتىق پورتالى.
الماتىلىق سپورتشى 57 كەلىگە دەيىنگى سالماق دارەجەسىندە (ك44 ساناتى) فينالدا يران وكىلىن 2:0 ەسەبىمەن جەڭدى.
بۇل كاميليا دوسمالوۆانىڭ حالىقارالىق ارەناداعى العاشقى جەتىستىگى ەمەس. ول بۇعان دەيىن قازاقستان اتىنان پاراليمپيادا ويىندارى مەن ازيا پارا ويىندارىنا قاتىسقان.
كاميليا دوسمالوۆا 1992 جىلى 11 تامىزدا دۇنيەگە كەلگەن. الماتى قالاسىندا تۇرادى. ءال-فارابي اتىنداعى قازاق ۇلتتىق ۋنيۆەرسيتەتىندە «زاڭگەر» ماماندىعى بويىنشا ءبىلىم العان. ول سپورتتىق مانسابىن 10 جىل بۇرىن باستاعان.
ۇقساس جاڭالىقتار
