قازاقستاندىق حوككەيشىلەر بەيجىڭدە وتكەن ازيا چەمپيوناتىندا بارلىق ماتچتا جەڭىسكە جەتتى. قۇرامامىز سوڭعى تۋردا جاپونيا قۇراماسىنان 4:3 ەسەبىمەن باسىم ءتۇستى، دەپ حابارلايدى “ادىرنا”.
ءبىرىنشى كەزەڭ 1:1 ەسەبىمەن اياقتالىپ، العاشقى گولدى كيريلل لياپۋنوۆ سوقتى.
ەكىنشى كەزەڭدە ءبىزدىڭ حوككەيشىلەر العا شىقتى. الايدا جاپونيالىقتار قايتادان تارازى باسىن تەڭەستىردى. ال حوككەيشىلەرىمىز 18 سەكۋندتان كەيىن-اق جاۋاپ قايتارىپ، مۇمكىندىكتى ءتيىمدى پايدالاندى. بۇل كەزەڭ 4:2 ەسەبىمەن اياقتالىپ، رومان ستارچەنكو دۋبل اۆتورى اتاندى. ماتچ سوڭىندا قارسىلاس ەسەپ ايىرماسىن قىسقارتتى. الايدا ءبىزدىڭ جىگىتتەر جاپونيالىقتاردىڭ شابۋىلىن توقتاتىپ، جەڭىستى ساقتاپ قالدى. وسىلايشا قازاقستان قۇراماسى قاتارىنان ەكىنشى مارتە ازيا چەمپيونى اتاندى.
ايتا كەتەيىك، بۇعان دەيىنگى ەكى كەزدەسۋدە دە قازاقستاندىق حوككەيشىلەر جەڭىسكە جەتكەن ەدى. الدىمەن وڭتۇستىك كورەيانى 4:2 ەسەبىمەن ۇتتى، كەيىن قىتايدى 5:1 ەسەبىمەن تاس-تالقان ەتتى.
وسىلايشا قازاقستان قۇرلىقتىق تۋرنيردە ءبىرىنشى ورىندى يەلەندى.
