Qazaqstandyq parataekvondoşy Kamilia Dosmalova Moŋǧoliia astanasy Ūlan-Batyr qalasynda ötıp jatqan Aziia chempionatynda altyn medal jeŋıp aldy, dep habarlaidy "Adyrna" ūlttyq portaly.
Almatylyq sportşy 57 kelıge deiıngı salmaq därejesınde (K44 sanaty) finalda İran ökılın 2:0 esebımen jeŋdı.
Būl Kamilia Dosmalovanyŋ halyqaralyq arenadaǧy alǧaşqy jetıstıgı emes. Ol būǧan deiın Qazaqstan atynan Paralimpiada oiyndary men Aziia para oiyndaryna qatysqan.
Kamilia Dosmalova 1992 jyly 11 tamyzda düniege kelgen. Almaty qalasynda tūrady. Äl-Farabi atyndaǧy Qazaq ūlttyq universitetınde «zaŋger» mamandyǧy boiynşa bılım alǧan. Ol sporttyq mansabyn 10 jyl būryn bastaǧan.
Ūqsas jaŋalyqtar
