ءۇندىستاندا اسا قاۋىپتى ۆيرۋس تاراۋدا

718

ءۇندىستاندا اسا قاۋىپتى ۆيرۋس جۇقتىرعان اۋرۋ بالا تابىلعان ايماقتا، سونداي -اق كورشىلەس ءۇش اۋداندا كۇشەيتىلگەن قاۋىپسىزدىك شارالارى ەنگىزىلدى، دەپ حابارلايدى "ادىرنا" ۇلتتىق پورتالى.

ءۇندىستاننىڭ كەرالا شتاتىندا 11 ادامنان نيپاح ۆيرۋسىنىڭ بەلگىلەرى انىقتالدى. بۇل تۋرالى دۇيسەنبىدە، 6 قىركۇيەكتە شاراپ ايماعىنداعى دەنساۋلىق ساقتاۋ ءمينيسترى دجوردج NDTV ارناسىنىڭ ەفيرىندە ايتتى.

شەنەۋنىكتىڭ ايتۋىنشا، ءبىر كۇن بۇرىن 12 جاسار بالا نيپاحتان قايتىس بولعان. دارىگەرلەر بالا بايلانىستا بولعان 251 ادامدى انىقتاپ، تەكسەردى.

«كوجيكودە مەديتسينالىق كوللەدجى مەن اۋرۋحانادا 38 ادام وقشاۋلانعان، ولاردىڭ 11 -دە سيمپتومدار پايدا بولدى. سەگىز ادامنىڭ سىناماسى ۇلتتىق ۆيرۋسولوگيا ينستيتۋتىنا تەستىلەۋگە جىبەرىلدى»، - دەدى دجوردج.

ناتيجەسىندە اۋرۋ بالا تابىلعان كوجيكودە اۋدانىندا، سونداي -اق كورشىلەس ءۇش اۋداندا كۇشەيتىلگەن قاۋىپسىزدىك شارالارى ەنگىزىلدى. سونىمەن قاتار، ايماقتىڭ بيلىك ورگاندارى ەپيدەميولوگيالىق قاداعالاۋدى كۇشەيتىپ، كونتاكتىلەردى ىزدەۋدى ۇدەتتى.

نيپاح ۆيرۋسى - ولىمگە اكەلەتىن جۇقپالى اۋرۋلاردىڭ ءبىرى. وقان قارسى ۆاكتسينا جوق، ۆيرۋس جۇقتىرعان جاعدايلاردىڭ 70%-ى ولەدى. العاش رەت 1999 جىلى مالايزيادا تىركەلگەن. اۋرۋدىڭ بەلگىلەرى - دەنە قىزۋىنىڭ كوتەرىلۋى، باس اۋرۋى، ۇيقىشىلدىق، تىنىس الۋدىڭ بۇزىلۋى، باعدارلانباۋشىلىق. ءبىر -ەكى كۇننەن كەيىن ناۋقاس كوماعا تۇسەدى. ۆيرۋستىڭ تابيعي تاسىمالداۋشىلارى - جەمىستەرمەن قورەكتەنەتىن ۇشاتىن تۇلكىلەر.

ەستەرىڭىزگە سالا كەتەيىك، وتكەن جىلدىڭ جەلتوقسانىندا ءۇندىستاندا نيپاحتان ءبىر ادام قايتىس بولدى، تاعى ەلۋگە جۋىعى اۋرۋحاناعا ءتۇستى. كوپ ۇزاماي دۇنيەجۇزىلىك دەنساۋلىق ساقتاۋ ۇيىمى وسى ۆيرۋسقا بايلانىستى پاندەميا ىقتيمالدىعىن جاريالادى.

"ادىرنا" ۇلتتىق پورتالى

پىكىرلەر
ۇقساس جاڭالىقتار