اباي وبلىسىندا بالاباقشالاردىڭ بىرىندە 75 قىزمەتكەردىڭ جەكە دەرەگى تاراپ كەتكەن. بۇل تۋرالى كۋرچاتوۆ قالاسىنىڭ پروكۋراتۋراسى انىقتادى، دەپ حابارلايدى "ادىرنا".
اقپاراتقا سايكەس، ءبىلىم بەرۋ مەكەمەسى قىزمەتكەرلەردى مەرزىمدىك مەديتسينالىق تەكسەرۋدەن وتكىزۋ بويىنشا كونكۋرس جاريالاعاندا قىزمەتكەرلەرىنىڭ جسن-ءىن جانە وزگە دە قۇپيا اقپاراتتى قامتيتىن ءتىزىمدى دە ورنالاستىرىپ جىبەرگەن.
مەكەمە باسشىسى تالاپتاردى ساقتاماعاندىقتان دا ازاماتتاردىڭ دەربەس دەرەگى تاراپ كەتىپ وتىر. بۇعان جاۋاپتى باسشىلىققا 432 مىڭ تەڭگە كولەمىندە ايىپپۇل سالدى.
«پروكۋراتۋرا قابىلداعان شارالار ناتيجەسىندە كورسەتىلگەن بۇزۋشىلىقتار جويىلىپ، كىنالى لاۋازىمدى تۇلعا قر اقبتك 79-بابى 2-بولىگى (قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىن بۇزۋ) بويىنشا 432 500 تەڭگە مولشەرىندە ايىپپۇل سالۋمەن اكىمشىلىك جاۋاپتىلىققا تارتىلدى»، – دەپ جازىلعان قۇزىرلى ورگان وكىلدەرى تاراتقان حابارلامادا.
