استانادا LRT جۇيەسىنىڭ اۆتوماتتاندىرىلعان قۇرامدارىنا وپەراتورلار قابىلدانۋدا. City Transportation Systems كومپانياسى جەڭىل رەلستى كولىك جەلىسىندە جۇمىس ىستەۋ ءۇشىن پوەزد وپەراتورلارى ءۇشىن بوس ورىندارعا بايقاۋ جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، تاڭدالىپ الىنعان كانديداتتار استانادا جانە قىتايدا وقۋدان وتەدى. بايقاۋدا كومپانيا قىزمەتكەرلەردى وقىتۋ مەن بىلىكتىلىگىن ارتتىرۋ جۇمىس بەرۋشىنىڭ ەسەبىنەن قامتاماسىز ەتىلەتىنىن ايتقان.
كومپانيانىڭ مالىمەتىنشە، LRT قۇرامدارى تولىق اۆتوماتتاندىرىلعان جانە پيلوتسىز جۇمىس ىستەيدى. جاريالانعان بوس ورىن بايقاۋىندا تالاپتار دا كورسەتىلگەن.
اتاپ ايتقاندا، جولاۋشىلاردىڭ قاۋىپسىزدىگىن جانە پوەزدىڭ تەحنيكالىق جاعدايىن باقىلاۋ، قاۋىپسىزدىك ستاندارتتارىنىڭ ساقتالۋىن قامتاماسىز ەتۋ، اۆتوماتتاندىرىلعان باسقارۋ جۇيەسىنىڭ جۇمىسىن ۇزدىكسىز باقىلاۋ جانە اقاۋلاردى انىقتاپ جويۋ مىندەتتەرى كىرەدى.
سونداي-اق، جەلدەتۋ جۇيەسىن باقىلاۋ، جولاۋشىلاردىڭ ءمىنۋ مەن ءتۇسۋ ءتارتىبىن ساقتاۋ، قوزعالمالى قۇرامنىڭ ۇزدىكسىز جۇمىسىن قامتاماسىز ەتۋ مىندەتتەرى كورسەتىلگەن.
