بۇگىن ءماجىلىس دەپۋتاتى، ەكونوميست داۋلەت مۇقاەۆتىڭ باستاماسىمەن Dauletten قايىرىمدىلىق قورى اباي وبلىسىنا جول ءجۇرىپ، ورتتەن زارداپ شەككەندەرگە جانە ءورت سوندىرۋشىلەرگە كومەك كورسەتتى، دەپ حابارلايدى “ادىرنا” ۇلتتىق پورتالى.
كەرەك زاتتار ءتىزىمىن جاساپ، قاجەتتى زاتتاردى ساتىپ الدىق. حالىقتىڭ بىرلىگى وسىنداي يگى ىستە بىلىنەدى. اپايلار ءورت سوندىرۋشىلەرگە اس دايىنداپ، تىلەۋىن تىلەۋدە. ەرىكتىلەر قولدان كەلگەن كومەكتى جاساۋدا.
ءبىز دە ءورت وشاقتارىنا بارىپ، ءتىلسىز جاۋمەن كۇرەسىپ جۇرگەن ازاماتتارعا جەكە گيگيەنالىق زاتتار (قولعاپ، ناسكي جانە ت.ب.) جانە ازىق-تۇلىك سەبەتتەرىن جەتكىزدىك. جيىنى 300-دەن اسا ادامعا تاماق اپاردىق. ءالى دە وسىندا بولىپ، قولىمىزدان كەلگەنشە كومەك بەرەمىز. باستىسى - ەلىمىز امان، جۇرتىمىز تىنىش بولسىن! ورمان القابىنداعى ءورت سەيىلىپ، ءورت سوندىرۋشىلەر، اسكەري قىزمەتكەرلەر جاقىن ارادا ۇيلەرىنە امان-ەسەن ورالۋعا جازسىن!،- دەدى Dauletten قايىرىمدىلىق قورى.
