Ūlytau oblysy äkımınıŋ orynbasary Nūrtas Kärıpbaevtyŋ qatysuymen öŋırlık kommunikasiialar alaŋynda baspasöz brifingı öttı. Kezdesu barysynda öŋırdıŋ äleumettık-ekonomikalyq damuy, investisiialyq ahualy men aldaǧy ırı jobalar turaly keŋınen baiandaldy.
Belgılı bolǧandai, 2026 jyldyŋ qaŋtar–nauryz ailarynda oblysqa tartylǧan investisiia kölemı 40,6 mlrd teŋgenı qūrap, ötken jyldyŋ säikes kezeŋımen salystyrǧanda 1,7 esege artqan. Būl körsetkış öŋırdıŋ investisiialyq tartymdylyǧynyŋ artyp kele jatqanyn aiqyn körsetedı.
Biyl oblysta jalpy qūny 11,8 mlrd teŋgenı qūraityn, 200-ge juyq jaŋa jūmys ornyn aşuǧa mümkındık beretın 4 ırı jobany ıske qosu josparlanǧan.
Sonymen qatar, qazırgı uaqytta qūny 49 mlrd teŋgenı qūraityn ırı energetikalyq joba pysyqtaluda. PetroKazakhstan kompaniiasymen bırlesıp, energiia saqtau jüiesımen jabdyqtalǧan quaty 100 MVt jel elektr stansiiasyn salu josparlanǧan. Joba aiasynda 24 jaŋa jūmys orny aşylady.
Ūlttyq sifrlyq investisiialyq platforma aiasynda öŋırde jalpy somasy 558 mlrd teŋgenı qūraityn 38 investisiialyq joba qalyptastyrylǧan. Atalǧan jobalar 2030 jylǧa deiın kezeŋ-kezeŋımen jüzege asyrylady. Nätijesınde ekı myŋnan astam jaŋa jūmys orny aşylady dep kütılude.
Auyl şaruaşylyǧy salasynda da auqymdy jūmystar qolǧa alynǧan. 2026–2027 jyldarǧa arnalǧan jalpy qūny 18 mlrd 573 mln teŋgenı qūraityn 12 jobadan tūratyn arnaiy pul jasaqtalǧan.
Brifing barysynda Ūlytau oblysynda jūmys ısteitın İnvestorlarǧa qyzmet körsetu ortalyǧynyŋ qyzmetı de atap ötıldı. Front-ofis mamandary jergılıktı käsıpkerlermen jäne şeteldık kompaniialarmen tūraqty türde kezdesuler ötkızıp, investisiialyq, industriialyq-innovasiialyq jäne kommersiialyq baǧyttar boiynşa keŋes beredı. Qazırgı taŋda jalpy qūny 141,3 mln AQŞ dollarynan asatyn 5 äleuettı investordyŋ jobalary süiemeldenude.
Sätbaev qalasynda industriialyq aimaq qūru jobasy da belsendı jüzege asyrylyp jatyr. 2025 jyly bastalǧan joba aiasynda injenerlık-kommunikasiialyq infraqūrylym tartu jūmystary jürgızılude. Būl jūmystar 2026 jyldyŋ mausym aiynyŋ soŋyna deiın aiaqtalady dep josparlanǧan. Qazırgı taŋda industriialyq aimaqta rezeŋke jabyndylar, qūrylys materialdary, moiyntırekter, şynypaketter öndıru jäne qoimalyq infraqūrylym salalary boiynşa bırneşe investor qyzyǧuşylyq tanytuda.
2026 jylǧy 27 nauryzda Qytai Halyq Respublikasynda Ūlytau oblysyn qoldauǧa baǧyttalǧan jalpy qūny 12,5 mlrd teŋgenı qūraityn 6 memorandumǧa qol qoiyldy. Qūjattar tūrǧyn üi-kommunaldyq infraqūrylymdy jaŋǧyrtu, metallurgiialyq şlaktardy qaita öŋdeu jäne agroönerkäsıp keşenın damytu baǧyttaryn qamtidy. Osy kelısımderdıŋ nätijesınde Sian qalasynda Ūlytau oblysynyŋ ökıldıgı aşyldy.
Öŋırde tūrǧyn üi qoryn jaŋǧyrtu mäselesıne de erekşe nazar audarylyp otyr. Osy maqsatta tūrǧyn üi qoryn renovasiialaudyŋ jaŋa bıryŋǧai baǧdarlamasy äzırlendı. Taldau nätijesınde oblystaǧy 1 545 köpqabatty tūrǧyn üidıŋ 457-sı tozyǧy jetken, al 63-ı apatty jaǧdaida ekenı anyqtalǧan.
Sondai-aq Jezqazǧan qalasynda būrynǧy toqyma fabrikasynyŋ ǧimaratyn qaita jaŋǧyrtu jobasy jüzege asyryluda. Qazırgı taŋda investor bekıtılgen jobalyq-smetalyq qūjattamaǧa säikes qūrylys-montaj jūmystaryn jürgızude. Nysan üş bloktan tūrady. Bolaşaqta mūnda damu instituttary, qonaq üi, meiramhana, aumaqtyq ūiymdardyŋ keŋselerı, sondai-aq şaǧyn jäne orta bizneske arnalǧan kommersiialyq jäne keŋse oryndary ornalastyrylady.
