ۋكراينادا تۇتقىندا وتىرعان قازاقستاندىقتار تۋرالى اقپارات تارادى، دەپ حابارلايدى "ادىرنا" ۇلتتىق پورتالى فەرعاناعا سىلتەپ.
ۋكراينا ەلشىلىگىنىڭ كونسۋلدىق ءبولىمى ۋكراينا اۋماعىندا تۇتقىندا وتىرعان قازاقستاننىڭ 12 ازاماتى تۋرالى مالىمەتتى تاراتتى. ەلشىلىك مالىمەتىنشە، بۇل اقپارات ۋكراينانىڭ ۋاكىلەتتى مەملەكەتتىك ورگانىنان الىنعان.
سونىمەن قاتار كونسۋلدىق ءبولىم اسكەري تۇتقىنداعى قازاقستاندىقتاردى ساناتتار بويىنشا بولەك ەسەپكە المايتىنىن ناقتىلادى. وسىعان بايلانىستى ەلشىلىك ەگجەي-تەگجەيلى اقپارات بەرۋدەن باس تارتىپ، مۇنداي ەسەپتىڭ جۇرگىزىلمەيتىنىن مالىمدەگەن.
بۇعان دەيىن ۋكراينانىڭ ء«ومىر سۇرگىم كەلەدى» مەملەكەتتىك جوباسى رەسەي قورعانىس مينيسترلىگىمەن كەلىسىمشارتقا وتىرىپ، ۋكرايناداعى سوعىسقا قاتىسقان ورتالىق ازيا ەلدەرىنىڭ 12 مىڭ 666 ازاماتى انىقتالعانىن حابارلاعان. جوبا دەرەگىنە سايكەس، ولاردىڭ ىشىندە 2 مىڭ 389 ادام — قازاقستان ازاماتى. سونداي-اق كەمىندە 270 قازاقستاندىقتىڭ قازا تاپقانى ايتىلعان.
