تۇركىستاندا «تۇركى وركەنيەتى ورتالىعىنىڭ» ىرگەتاسى قالاندى، دەپ حابارلايدى "ادىرنا" ۇلتتىق پورتالى.
بۇل تۋرالى اقوردانىڭ ءباسپاسوز قىزمەتى حابارلادى.
تۇركى مەملەكەتتەرى ۇيىمىنا مۇشە ەلدەر باسشىلارى جاڭا ورتالىقتىڭ قازىعىن قاعىپ، بولاشاق كەشەننىڭ ىرگەتاسىن قالادى. جوبا تۇركى حالىقتارىنىڭ ورتاق تاريحى مەن مادەني مۇراسىن دارىپتەۋگە باعىتتالعان.
ورتالىقتىڭ نەگىزگى يدەياسى – تۇركىتىلدەس ەلدەردى تەرەڭ فيلوسوفياسى، باي مادەنيەتى جانە مەملەكەتتىلىك ءداستۇرى قالىپتاسقان ۇلى وركەنيەت رەتىندە تانىتۋ. مۇندا تاريحي مۇرانى عىلىمي تۇرعىدان زەرتتەۋ، مادەني ءتۋريزمدى دامىتۋ جانە حالىقارالىق ىنتىماقتاستىقتى نىعايتۋعا باسىمدىق بەرىلەدى.
كەشەننىڭ ارحيتەكتۋراسىندا ءتاڭىر، ەرگەنەقون، كوكبورى، جەرۇيىق، دالا جانە ءومىر اعاشى سىندى تۇركى دۇنيەتانىمىنداعى ماڭىزدى ۇعىمدار كورىنىس تابادى. سونىمەن قاتار ەكسپوزيتسيالاردا VR, AR, گولوگرافيا، جاساندى ينتەللەكت جانە يممەرسيۆتى دىبىس-جارىق تەحنولوگيالارى قولدانىلماق.
