موڭعوليا پرەزيدەنتى ۋحنااگين حۋرەلسۋح قازاقستانعا مەملەكەتتىك ساپارمەن كەلدى، دەپ حابارلايدى "ادىرنا" ۇلتتىق پورتالى.
ول 20–23 ءساۋىر ارالىعىندا استانا قالاسىندا بولادى. پرەزيدەنت قاسىم-جومارت توقاەۆ موڭعوليا باسشىسىن ارنايى شاقىرعان.
پرەزيدەنتتى استانا قالاسىنداعى حالىقارالىق اۋەجايدا قازاقستاننىڭ ءسىم ەرلان كوشەرباەۆ جانە موڭعوليانىڭ قازاقستانداعى ەلشىسى قارسى الدى.
موڭعوليا پرەزيدەنتى اكىمشىلىگىنىڭ مالىمەتىنشە، ساپار اياسىندا ەكى ەل باسشىلارىنىڭ جەكە كەزدەسۋى، رەسمي كەلىسسوزدەرى جوسپارلانعان. سونىمەن قاتار، بۇقارالىق اقپارات قۇرالدارىنا بىرلەسكەن مالىمدەمە جاساۋ كوزدەلىپ وتىر.
كەلىسسوزدەر بارىسىندا تاراپتار ۇكىمەتارالىق جانە مەكەمەارالىق بىرقاتار قۇجاتتارعا قول قويماق. بۇل قۇجاتتار قازاقستان مەن موڭعوليا اراسىنداعى قۇقىقتىق نەگىزدى نىعايتۋعا جانە ەكىجاقتى ىنتىماقتاستىقتى دامىتۋعا باعىتتالعان.
