قوعام بەلسەندىسى تورتۋىل شوقان وزىنە قاتىستى سوت شەشىمى شىققانىن حابارلادى، دەپ حابارلايدى "ادىرنا" ۇلتتىق پورتالى.
بەلسەندىنىڭ ايتۋىنشا، الماتى قالالىق اكىمشىلىگىنە قاراستى ءدىن ىستەرى باسقارماسى تاراپىنان بەرىلگەن ارىز سوتتا قارالىپ، ناتيجەسىندە وعان 25 اەك (108 125 تەڭگە) كولەمىندە ايىپپۇل سالىنعان.
تورتۋىل شوقان سوت وتىرىسىندا ءوز ءۋاجىن ايتىپ، ءوزىن قورعاۋعا تىرىسقانىن جەتكىزدى. الايدا سوت شەشىمى وزگەرىسسىز قالعان. ول اپەللياتسيالىق شاعىم تۇسىرمەيتىنىن ايتىپ، مۇنى ۋاقىت پەن قارجىلىق شىعىنمەن بايلانىستىردى.
"وسى، اعايىن! سكريندە: ماعان ايىپپۇل ارقالاتقان ەكى جازبام. تۇجىرىمدى وزدەرىڭ جاسارسىڭدار..." - دەپ جازدى ول.
ۇقساس جاڭالىقتار
