قازاقستان جازۋشىلار وداعىنىڭ استانا قالالىق فيليالىنا جاڭا باسشى تاعايىندالدى. بەلگىلى اقىن باۋىرجان باباجانۇلى فيليال توراعاسى قىزمەتىنە كىرىستى، دەپ حابارلايدى "ادىرنا" ۇلتتىق پورتالى.
جاڭا باسشىنى ەلوردالىق اقىن-جازۋشىلارعا جازۋشىلار وداعىنىڭ (جو) باسقارما توراعاسى مەرەكە قۇلكەنوۆ رەسمي تۇردە تانىستىردى.
"بۇل قىزمەتكە تاعايىنداۋدى وداق توراعاسى ءوزى ۇسىنىپ، باسقارما حاتشىلىعى بەكىتەتىندىگىن ايتتى. سونىمەن قاتار، باۋىرجان باباجانۇلىنىڭ ديرەكتورلىق جانە حاتشىلىق كۋالىكتەرى جاقىن ارادا تابىستالاتىنىن تىلگە تيەك ەتتى.
سودان كەيىن مەرەكە قۇلكەنوۆ جازۋشىلار وداعىنىڭ استانا قالالىق فيليالىنىڭ ديرەكتورى باۋىرجان باباجانۇلىنا سەنىم حاتىن تابىستاپ، استانا قالاسىنداعى جازۋشىلار وداعىنىڭ بۇرىنعى وكىلى داۋلەتكەرەي كاپۇلىنا اتقارعان جۇمىستارىنا العىس ءبىلدىرىپ، جاڭا قىزمەتىنە تابىس تىلەدى", - دەلىنگەن جازۋشىلار وداعى تاراتقان مالىمەتتە.
سونداي-اق، شارا بارىسىندا وداق توراعاسى استانالىق تانىمال جازۋشىلار ءمادي ايىمبەتوۆ، اسقار التاي جانە ادىلبەك ىبىرايىمدى "قازاقستاننىڭ قۇرمەتتى جازۋشىسى" مەدالىمەن ماراپاتتادى.
ايتا كەتەيىك، قازىرگى تاڭدا قازاقستان جازۋشىلار وداعىنىڭ قۇرامىندا 1030-دان استام مۇشە بار. ونىڭ ىشىندە 180-نەن استامى ەلوردادا تۇرادى.
