18 mamyr künı Beibıtşılık jäne kelısım saraiy Qazaqstannyŋ eŋbek naryǧynyŋ bolaşaǧyn aiqyndaityn basty alaŋǧa ainalady. Jūmys beruşıler assosiasiialarynyŋ bırınşı ūlttyq forumy biznes, memleket jäne qyzmetkerler arasyndaǧy dialogty nyǧaitu üşın 400-den astam qatysuşy men 100-den astam qauymdastyqtyŋ basyn qosady.
Qatysuşylar eŋbek naryǧyndaǧy negızgı özgerısterdı, sonyŋ ışınde jūmyspen qamtu formalarynyŋ transformasiiasyn, daǧdylardy damytu men kadrlardy qaita daiarlaudy, halyqaralyq standarttardy, jūmys beruşıler bırlestıkterın nyǧaitudy, sondai-aq biznes, memleket jäne qyzmetkerlerdıŋ özara ıs-qimyl mäselelerın talqylaidy.
Sonymen qatar, forum aiasynda äielder käsıpkerlıgı men köşbasşylyǧyn damytuǧa arnalǧan «Äiel jūmys beruşıler» atty paneldık sessiia ötedı. Sarapşylar äielderdıŋ bastamalaryn qoldau, inkliuzivtı ekonomikany damytu jäne tabysty äiel köşbasşylardyŋ täjıribesın talqylaidy.
Forum spikerlerı qatarynda:
Jaslan Hasenūly Mädiev — QR Premer-Ministrınıŋ orynbasary – Jasandy intellekt jäne sifrlyq damu ministrı;
Asqarbek Maratūly Ertaev — QR Eŋbek jäne halyqty äleumettık qorǧau ministrı;
Saiasat Nūrbek — QR Ǧylym jäne joǧary bılım ministrı;
Sarango Radnaragcha — BŪŪ-nyŋ Qazaqstandaǧy tūraqty üilestıruşısı;
Satybaldy Telaǧysūly Dauletalin — QR Käsıpodaqtar federasiiasynyŋ töraǧasy;
Henrik Moller — Halyqaralyq eŋbek ūiymynyŋ ökılı;
Jūmabek Esılbekūly Janyqūlov — «PARYZ» QR Jūmys beruşıler ūlttyq konfederasiiasy prezidiumynyŋ töraǧasy.
Sondai-aq forumǧa Halyqaralyq eŋbek ūiymynyŋ (HEŪ), Halyqaralyq jūmys beruşıler ūiymynyŋ ökılderı, ırı salalyq jäne öŋırlık biznes qauymdastyqtarynyŋ jetekşılerı, memlekettık organdar ökılderı jäne elımızdıŋ jetekşı käsıpkerlerı qatysady.
Is-şaranyŋ maŋyzdy bölıgı retınde respublikalyq jäne öŋırlık qauymdastyqtardyŋ arnaiy körmesı ūiymdastyrylady. Būl alaŋda jūmys beruşıler öz jetıstıkterı men äleuetın körsetıp, jeke sektordyŋ Qazaqstannyŋ damuy men örkendeuıne qosyp otyrǧan ülesın tanystyrady.
Forum tek pıkır almasu alaŋy ǧana emes, sonymen qatar jaŋa serıktestıkterdıŋ, bastamalardyŋ jäne käsıbi bırlestıkterdıŋ negızın qalaityn, Qazaqstan biznesınıŋ bolaşaq damu baǧytyn aiqyndaityn maŋyzdy alaŋǧa ainalmaq.
