بۇگىن، 13 مامىردا تۇركيا پرەزيدەنتى رەجەپ تايپ ەردوعان قازاقستانعا مەملەكەتتىك ساپارمەن كەلدى، دەپ حابارلايدى «ادىرنا» ءتىلشىسى.
اقوردا تۇرىك كوشباسشىسىنىڭ اۋەجايداعى قارسى الۋ ءراسىمىن تىكەلەي ەفيردەن كورسەتتى. ەردوعاندى پرەزيدەنت قاسىم-جومارت توقاەۆتىڭ ءوزى قارسى الدى. شەتەلدىك قوناقتى قارسى العان قازاقستان دەلەگاتسياسىنىڭ قۇرامىندا پرەزيدەنت اكىمشىلىگىنىڭ باسشىسى رومان سكليار مەن سىرتقى ىستەر ءمينيسترى ەرمەك كوشەرباەۆ بولدى.
تۇركيا پرەزيدەنتى قازاقستانعا جۇبايىمەن بىرگە كەلگەن. الداعى ۋاقىتتا مەملەكەت باسشىلارى ەكىجاقتى قاتىناستاردىڭ قازىرگى جاعدايى مەن دامۋ پەرسپەكتيۆالارىن تالقىلايدى. سونداي-اق قازاقستان مەن تۇركيا اراسىنداعى جوعارى دەڭگەيدەگى ستراتەگيالىق ىنتىماقتاستىق كەڭەسىنىڭ التىنشى وتىرىسىن وتكىزەدى.
ۇقساس جاڭالىقتار
