قازاقستاندا كيىكتەردىڭ قىرىلۋ كورسەتكىشى تابيعي بيولوگيالىق نورمادان اسپايدى، دەپ حابارلايدى "ادىرنا" ۇلتتىق پورتالى.
بۇل تۋرالى ەكولوگيا جانە تابيعي رەسۋرستار ۆيتسە-ءمينيسترى نۇركەن شاربيەۆ مالىمدەدى.
ونىڭ ايتۋىنشا، كيىكتەردىڭ ورتاشا ءومىر ءسۇرۋ ۇزاقتىعى 5 جىلدان اسپايدى، ال پوپۋلياتسيا تابيعي تۇردە 3–4 جىل سايىن جاڭارىپ وتىرادى. ۆيتسە-ءمينيستردىڭ دەرەگىنشە، جىل سايىن كيىكتەردىڭ قىرىلۋى تابيعي كورسەتكىشتىڭ 15–20 پايىزىن قۇرايدى. قازىرگى ۋاقىتتا ەلىمىز اۋماعىندا شامامەن 26 مىڭ ولەكسە تىركەلگەن، ونىڭ ىشىندە 11 مىڭى باتىس قازاقستان وبلىسىنا تيەسىلى.
مينيسترلىك وكىلىنىڭ مالىمەتىنشە، كيىك سانىنا قاتىستى رەسمي ساناق ناتيجەلەرى ماۋسىم ايىندا جاريالانادى. الدىن الا بولجام بويىنشا، ولاردىڭ جالپى سانى 5 ميلليوننان اسۋى مۇمكىن.
ۇقساس جاڭالىقتار
