باكۋ تەڭىز جاعالاۋى بۋلۆارى جاعالاۋىندا باكۋ شىعاناعىنىڭ اكۆاتورياسىن تازارتۋ جۇمىستارى بەلسەندى تۇردە جالعاسىپ جاتىر. بۇل تۋرالى Caliber.Az جازدى، دەپ حابارلايدى «ادىرنا» ءتىلشىسى.
باكۋ تەڭىز جاعالاۋى بۋلۆارى باسقارماسىنىڭ ءباسپاسوز قىزمەتىنىڭ جەتەكشىسى افسانا مەحديەۆانىڭ مالىمەتىنشە، جۇمىستار اياسىندا سۋ بەتىندە جينالعان مۇناي توگىندىلەرى مەن ءتۇرلى قالدىقتاردى تازارتۋ شارالارى جۇرگىزىلۋدە.
«سۋ بەتىندەگى مۇناي جانە مازۋت قابىقشالارى ارنايى جابدىقتاردىڭ كومەگىمەن جينالىپ جاتىر. تازارتۋ جۇمىستارى بۋلۆار باسقارماسى، ەكولوگيا جانە تابيعي رەسۋرستار مينيسترلىگى، سونداي-اق توتەنشە جاعدايلار مينيسترلىگىنىڭ كاسپيدەگى اۆاريالىق-قۇتقارۋ قىزمەتى اراسىندا جاسالعان ءتيىستى كەلىسىمگە سايكەس جۇزەگە اسىرىلىپ جاتىر»،– دەلىنگەن حابارلامادا.
ۇقساس جاڭالىقتار
