الماتى وبلىسى اۋماعىندا مەكتەپ قابىرعاسىندا وقۋشىنىڭ مۇعالىمگە قول جۇمساعانى تۋرالى بەينەجازبا الەۋمەتتىك جەلىدە تارادى، دەپ حابارلايدى "ادىرنا" ۇلتتىق پورتالى.
بۇل وقيعاعا قاتىستى وبلىس اكىمدىگى رەسمي تۇسىنىكتەمە بەردى.
اكىمدىكتىڭ مالىمەتىنشە، اتالعان جاعداي 2026 جىلعى 16 قاڭتاردا شامالعان اۋىلى جاڭا قازاق ورتا مەكتەبىندە بولعان. ساعات 09:00 شاماسىندا مۇعالىم مەن 11-سىنىپ وقۋشىسى اراسىندا جانجال تۋىنداعان. وقىتۋشى جاسوسپىرىمگە ەسكەرتۋ جاساپ، ساباققا بارۋىن تالاپ ەتكەن. الايدا وقۋشى ەسكەرتۋدى اگرەسسيۆتى تۇردە قابىلداپ، پەداگوگكە قول كوتەرگەن.
رەسمي اقپاراتقا سايكەس، بۇل دەرەك بويىنشا قۇقىق قورعاۋ ورگاندارى سوتقا دەيىنگى تەرگەپ-تەكسەرۋ امالدارىن باستاعان. قازىرگى ۋاقىتتا وقيعانىڭ بارلىق ءمان-جايىن انىقتاۋ ءۇشىن قاجەتتى تەرگەۋ ارەكەتتەرى جۇرگىزىلىپ جاتىر. تەرگەۋ قورىتىندىسى بويىنشا ءتيىستى قۇقىقتىق باعا بەرىلمەك.
