قىزىلوردادا 15 جاستاعى مەكتەپ وقۋشىسى پىشاق جاراقاتىمەن اۋرۋحاناعا ءتۇستى، دەپ حابارلايدى "ادىرنا" ۇلتتىق پورتالى.
پوليتسيانىڭ مالىمەتىنشە، وقيعا بويىنشا كامەلەتكە تولماعانعا قاساقانا اۋىر دەنە جاراقاتىن سالۋ فاكتىسى تىركەلىپ، قىلمىستىق ءىس قوزعالدى.
«قازىرگى ۋاقىتتا بولعان جاعدايدىڭ بارلىق ءمان-جايىن انىقتاۋعا باعىتتالعان تەرگەۋ امالدارى جۇرگىزىلىپ جاتىر. كۇدىكتى ءجاسوسپىرىم ۇستالىپ، ۋاقىتشا ۇستاۋ يزولياتورىنا قامالدى. قىلمىستىق ءىستىڭ تەرگەلۋ بارىسى پوليتسيا دەپارتامەنتى باسشىلىعىنىڭ ەرەكشە باقىلاۋىندا»، – دەدى قىزىلوردا وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى سەرىك توقتىباەۆ.
ۇقساس جاڭالىقتار
