وسكەمەندە جول قوزعالىسى ەرەجەسىن بۇزعان ازاماتتار جاۋاپقا تارتىلدى، دەپ حابارلايدى "ادىرنا".
الەۋمەتتىك جەلىلەرگە جۇرگىزىلگەن مونيتورينگ بارىسىندا پوليتسيا قىزمەتكەرلەرى ءجۇرىپ بارا جاتقان كولىك جولاۋشىسى اينەكتەن اياعىن شىعارىپ، وزىنە جانە وزگە دە جول قوزعالىسىنا قاتىسۋشىلارعا قاۋىپ توندىرگەن بەينەجازبانى انىقتادى.
قۇقىق بۇزۋشىلار زاڭ اياسىندا جاۋاپكەرشىلىككە تارتىلىپ، پروفيلاكتيكالىق اڭگىمە جۇرگىزىلدى.
پوليتسيا جول قوزعالىسى كەزىندە ءتارتىپ پەن قاۋىپسىزدىك تالاپتارىن ساقتاماۋ اۋىر سالدارعا اكەلۋى مۇمكىن ەكەنىن ەسكە سالىپ، مۇنداي قۇقىق بۇزۋشىلىقتارعا جول بەرىلمەيتىنىن اتاپ ءوتتى.
ۇقساس جاڭالىقتار
