مەملەكەت باسشىسىنىڭ جارلىعىمەن ايبەك دادەباي قازاقستان رەسپۋبليكاسى پرەزيدەنتى اكىمشىلىگىنىڭ باسشىسى قىزمەتىنەن بوساتىلعان. ونىڭ نەمەن اينالىساتىنى بەلگىلى بولدى، دەپ حابارلايدى "ادىرنا" ۇلتتىق پورتالى.
اقوردانىڭ ءباسپاسوز حاتشىسى ايبەك سمادياروۆ مالىمدەگەندەي، پرەزيدەنت دادەبايدىڭ اتقارعان جۇمىسىنا جوعارى باعا بەرىپ، العىسىن بىلدىرگەن.
«الداعى ۋاقىتتا قازاقستاندا ۇلكەن ساياسي كامپانيا وتكەلى تۇر. وسىنداي ماڭىزدى ءارى جاۋاپتى كەزەڭدە ايبەك دادەباي پرەزيدەنتتىڭ جەكە تاپسىرماسى بويىنشا قوعامدىق-ساياسي باعىتتاعى جۇمىستاردى قولعا الادى»، – دەدى سمادياروۆ.
وسىلايشا، بۇرىنعى اكىمشىلىك باسشىسى قوعامدىق-ساياسي سالادا جاڭا مىندەتتەر اتقاراتىن بولادى.
ايتا كەتەيىك، ايبەك دادەبايدىڭ ورنىنا رومان سكليار تاعايىندالعان.
ۇقساس جاڭالىقتار
